【置smart樓檢貼士】：化妝樓你真係識睇？買咗真係喊出嚟！

作為業主幾百萬甚至幾千萬去買樓，最終除咗希望有個安樂窩，亦都希望投資得正確又有保值能力啦！要慳錢其實就更加唔應該慳樓檢費用，香港樓宇檢驗學會資深導師 Johnny 坦言：「喺香港地買樓咁貴，有部分業主都會左慳又慳，佢哋寧願裝修費貴啲，都唔會花幾千蚊做一次樓檢服務。但亦有比較思想深遠嘅業主寧願儘早知道問題所在，妥善處理以免日後夜長夢多，因為市面嘅化妝樓質素真係幾高質。」
化妝樓固顧名思義就係表面粉飾本身嘅瑕疵，如果缺乏專業及儀器，其實用肉眼睇真係好難分辨，仲有唔只單位內需要仔細檢查，單位外嘅喉管，外牆及水掣都要留意。 「浴室通常要注意嘅地方比較多，來去水位置、地台去水斜度、裂縫、水掣通通都check清楚。防漏/防浸一定要做得好，一個唔好彩搞到下層或隔離鄰舍漏水，賠償加維修費用肯定令你得不償失。」Johnny再三提醒。

• 「唔好睇少浴室內嘅裂縫，開頭可能冇影響，但長年累月忽視嘅話，會對結構有好大影響。

• 其實如果買咗化妝樓，就好似每日住係危機之中。一個唔好彩影響到樓下或隔離鄰舍隨時慳錢變蝕大錢。

特別鳴謝：香港樓宇檢驗學會

下回【置smart樓檢貼士】預告：被告的真相 (真實個案)