近年韓風興起，而韓式家居設計著重「簡單」及「清爽」，多數採用「留白」方式製造舒適感。今期就由牆身顏色到傢俬，教大家打造韓式超Hit韓系奶油風屋企，俾大家一個溫柔及療癒的家居空間！
以暖色為主色 忌超過三種顏色
要打造韓系奶油風，在色調上就要盡量避免選擇超過三種顏色。多以白色、淡黃色等暖色作為主色調，另可配搭淺灰、米色或木質調作局部點綴，咁就可以營造清新、簡約嘅視覺感受。
▲ 韓式家居設計以柔和色為主
如果怕單一顏色同材質會有啲單調，可以試下運用帶有特殊紋理嘅油漆或牆紙，有助增加牆身嘅手感温度同層次感！
▲ 白灰色波浪牆紙 (圖片來源: Korea Wallpaper)
以「藤編櫃」營造家居悠閑氣氛
要營造屋企嘅第一個印象，必然係由玄關開始，使用奶白色嘅藤編櫃，就可以打造好似韓式咖啡屋嘅悠閑氣氛，同時能夠喺細節上添加優雅及通透嘅感覺。
▲ 藤編櫃既優雅又具通透感 (圖片來源: 오늘의집)
▲ 白色藤編櫃 (圖片來源: JPER精選案例)
以「鬆軟地墊」創造客廳質感
喺客廳中心位置擺放米杏色嘅鬆軟地墊，能為整個空間帶嚟「韓」氣。
▲ 米杏色客廳地墊 (圖片來源: 오늘의집)
以「木質桌椅」打造韓式温柔感
木質傢俬係韓式風格入面不可或缺嘅元素，運用唔同深淺嘅木頭色為屋企做搭配，能夠提升視覺層次。如果想增加空間嘅Creamy度，可以嘗試添置奶白色嘅木腳餐椅，個效果就好似將個木匙羮放入奶油罐咁融為一體。
▲ 白色餐桌椅 (圖片來源: 오늘의집)
以「小夜燈」設計柔和睡房燈光
燈光佈置係打造氛圍感非常重要嘅角色，只要揀啱燈光，基本上整體氣氛已經搞掂一半！
▲ 特別造型小夜燈 (圖片來源: 오늘의집)
以「氣味」昇華房間氛圍
韓式奶油風嘅温柔感可以透過蠟燭香氣表現出嚟。試想像下，當你翻到屋企，一陣舒適嘅香氣撲面而來，辛勞咗一整日嘅疲憊身心立即就可以得到舒緩！
▲ 除咗視覺效果，嗅覺都係居家輕裝修嘅重要元素。
資料來源：
【延伸閱讀】
