一般要裝修蝸居，冇乜可能邊做邊住，得200-300呎，叫師傅做個廁所，但又唔好整到咁污糟，更唔可以閂晒水、電掣，咁高難度，叫師傅情何以堪呢！
通常裝修期約為1至3個月，經正常途徑租屋會比較困難，業主未必接受短租。呢個時候就會選擇月租酒店、服務式住宅、共居等，其實仲有更慳錢嘅方法！
-
月租酒店
裝修暫住，好多人都揀月租酒店，一個費用包括房租、水、電、上網，仲定時清潔好方便。但租客需要外出解決3餐，同埋要額外支付洗衣費用，令預算上升。酒台房間相對較細，亦都唔適合一家大細嘅租客。
-
服務式住宅
服務式住宅通常由大集團經營，租客可直接在網上向營運公司租住單位，信心保證，免受蒙騙。更可以即租即住，租約期長短富彈性。
租客可以選擇全包或用者自付的方案：全包指租金加上水、電、煤、上網等雜費，而用者自付當然係按用量計算。所有出租單位均齊備傢電、裝修企理，部分服務式住宅更提供埋打掃服務和娛樂設施。有周全嘅服務，每個月嘅租金當然相對會貴啲。對於短租幾個月，都不失為一個高效而方便嘅辦法。要知道，裝修期間已經有好多事情要處理，全包宴嘅服務式住宅一定唔會令你費時失事。
-
共居
「共居」嘅概念就好似青年旅館或學校宿舍。租戶可以揀租住床位或獨立房間，與其他住戶「共享」廚房、廁所、休息室、花園及健身室等公共空間。 每個房間同公共空間都採用獨特兼新穎嘅裝潢同傢俱，設施一應俱全，配套幾可媲美酒店。
共居管理團隊仲會籌組多元文化社交活動，以促進住戶之間嘅交流，提升社群體驗。每人背景不同，從事不同職業，除了建立鄰里關係，更能拓展事業網絡，適合一個人短租。
-
親友屋企
如果想慳錢，有人會借住親友屋企，同親友商討後只需要繳付象徵式租金。居住期間更可以互相照應，較為安心。當然，暫住期間記得要尊重屋主嘅生活習慣，避免不必要嘅爭拗。
資料來源：
延伸閱讀：
【ME的裝修夥伴】JPER裝修貼士 - 揀牆紙大學問！DIY貼牆紙有咩技巧?
