防疫關係，大家喺屋企嘅時間多咗，日復日對住4幅牆，點都有啲鬱悶！想嘗試DIY輕裝修，貼牆紙玩特色牆，帶嚟新視覺效果！
一心以為easy job 喇！點知貼極都唔實? 究竟牆紙要點貼?
原來貼牆紙十分講求「粘性」，首先最基本要抹乾淨幅牆，然後掃層基膜。
基膜係一層防水保護膜，可保護牆身之餘又可以令張牆紙貼服啲。
此外，揀到款合適嘅膠水或漿糊都會大大增加成功率！當然，想整得完美無瑕，想perfect池，最好梗係搵裝修師傅貼喇!
識貼之餘，仲要揀啱牆紙，記低以下3個貼士：
1. 跟據空間風格選擇
空間屬於活潑風的話，可選淺色或明亮色系嘅牆紙 ; 而隨性柔和風，可考慮印壓花紋牆紙。
2. 注意呈現嘅視覺效果
想視覺上增加天花板與地板嘅距離，可用淺色調嘅牆紙，能夠令整體感覺上闊咗，空間感多咗。
3. 光源主導
室內採光度足夠的話， 可選屬冷色系嘅 「藍錆色」嚟中和下，同時又可打造出高貴冷艷的感覺。
相反，如果室內採光度比較差， 可考慮暖色系列；一幅黃色嘅特色牆，既可點綴房間，又可提高明亮度同活力感。
暖心提醒：如果搵師傅黐牆紙，驗收時要留意花紋接拼位、 陰陽色差、 氣泡、飛邊啊！
資料來源：
延伸閱讀：
【ME 的裝修夥伴】JPER百科 - 冷氣機滴水會被檢控！即睇解決方法免罰款
